Die klub (Alliance) bestaan uit 1200 spelers op skolevlak;
Hierdie spelers speel alreeds van 'n jong ouderdom op astro - hulle leer nie hul hokkie op grasoppervlakte nie;
Die klub het 7 hokkievelde, en elke span het daarom genoegsame tyd vir oefeninge.
Een van die beste ervarings vir my as "buitestaander" is die manier waarop Shaun die afrigters bymekaar getrek het en die tekortkominge uitgewys het. Daar was na aanleiding hiervan 'n baie volwasse gesprek tussen al die afrigters gewees en almal het insette gelewer. Nooit kry 'n mens die gevoel dat daar enige afrigter is wat voorgee dat hy/sy alles weet nie. Shaun se insette by die seuns en die dogters is professioneel, en hy vervul sy rol en verantwoordelikheid as akademiehoof van Menlo uitstekend. Dit is goed dat daar druk op al ons hokkiespanne is want die tekorte het baie duidelik uitgestaan. Menlohokkie sal die vrugte daarvan pluk!
Dalk verdien ons o/18 seuns vermelding wat in een van die beste wedstryde 1-3 die onderspit gedelf het. Hulle sou met die tipe hokkie en die guts waarmee hulle gespeel het, menige span in Suid-Afrika kon getroef het. Hier volg enlele fotos van die wedstryde.
Groete uit Amsterdam
